Askotan gu, herrialde garatuetan bizi garenok, ez gara ohartzen hezkuntza bat jasotzeko aukera izatean zer nolako zorionekoak garen.
Honen inguruan hausnartu dezazuen bideo hau uzten dizuet.
2011-12-08
2011-12-04
FINLANDIAKO HEZKUNTZA SISTEMA ARRAKASTATSUENA
Kooperaziorako eta garapen ekonomikorako erakundeak landutako PISA informearen emaitzak agerian utzi du Finlandiako hezkuntza sistema dela ikasleengan emaitza hobeenak lortzen dituena. Finlandiako hezkuntzaren emaitza positibo hauek haur hezkuntzatik unibertsitaterarte behatu daitezke. Aipatzeko datua da Finlandian biztanleriaren % 71ak unibertsitate titulua eskuratzen du.
Baina zer nolako ezaugarriak ditu herrialde honetako hezkuntza sistemak horrelako emaitza onak lortzeko?
Finlandiako gizartean hezkuntza oso baloratuta dago. Hori del eta asko erreparatzen diote bai hezkuntza kalitateari bai irakasleriaren profesionaltasunari,
Estatuak boterean dagoen partidu politikoa dagoelarik ere, duen diru publikotik asko hezkuntzan inbertitzen du , hau del eta, oinarrizko hezkuntza guztiz doakoa da. Hots, materiala, jantoki zerbitzuak eta garraio barne. Hezkuntza unibertsitarioa ere doakoa da. Beraz, Finlandian ikasteko aukerak ez ditu baliabide ekonomikoek mugatzen.
Finlandiar hezkuntzak gure herrialdeko hezkuntzatik bereizten dituen hainbat ezaugarri ditu. Hauek dira desberdintasun nabarmenenak.
· Eskolaratzea 7 urterekin ematen da. Adin hau baino lehen umeak hezkuntza formal batean sartzea kaltegarritzat dute, gainkargatu egiten baitira. Umeka ume diren heinean egin beharra duten gauza jolastea da. Haur hezkuntza zerbitzuak badaude baina bertan egiten dutena kirola eta jolastea izaten da.
· Ikasle bakoitzari atentzio pertsonala eskaintzen zaio. Atentzio hau batez ere zailtasunak dituzten haurrei eskaintzen zaie. Sistema honen arabera umeek zailtasun bat dutenean errazagoa da zailtasun hau hainbat arinen konpontzea eta ez aurrera joaten ustean, zenbat eta denbora gehiago pasatu zailagoa bilakatzen da arazoa gaieztea. Horretarako, prestaketa paregabea duten tutore pertsonalen elkarlan estua izaten dute. Ez dute errepikatzailearen irudia onartzen euren eskura dauden aukera guztiak erabiltze dituzte umerik atzean gera ez daiten.
· Hezkuntza sistemako esparru guztietako kide guztien arteko elkarlan estua dago. Espainian hezkuntzaren maila desberdinak guztiz banatuta daude (haur hezkuntza, lehen hezkuntza eta bigarren hezkuntza) Finlandian ordea hezkuntzako etapa guztiak prozesu baten osotasunaren parte bezala hartzen dute eta komunikazioa eta elkarlan estua mantentzen dituzte.
· Irakasleriaren balorazio eta prestakuntza altua da. Finlandia irakaslearen papera oso garrantzitsutzat hartzen da, honen froga garbia irakasle izateko unibertsitateek jasotzen dituzten eskaera guztiak . hala ere, irakasle izateko dagoen exijentzia handia dela eta, eskaera guzti horietatik %10 baino ez du ikasketak burutzea lortzen. Magisteritzako ikasketak 6 urtekoak dira eta irakasleek ematen duten eremuari buruzko jakintzak izateaz gain pedagogo bikainak izan behar dira.
· Irakasleek askatasun handia dute;
o Edukiei eta testu liburuen aukeraketei dagokionez.
o Irakasteko estrategia keta ebaluazio metodoak aukeratzerakoan.
· Haur hezkuntzaren etapari garrantzia gehien ematen zaion etapa da. Hau baita beste etapa guztien oinarria.
· Munizipalizazioa dago hau da, curriculuma moldatzeko aukera dago.
· Curriculuma etengabeko moldapenean dago.
· Ikasleria aktiboa, konprometitua eta arduratsua sustatzen da.
· Irakasleriaren kalitatezkoa eta etengabeko formakuntza.
· Baliabide material paregabeak.
2 estudiantes de 15 años en el sistema educativo finlandés y español | ||
Concepto | Finlandia | España |
Curso | 9º, el último de la Enseñanza Obligatoria | 4º de ESO |
Horas de clase | 7 horas | 7 horas |
Horas diarias dedicadas a deberes | Media hora | 2 horas |
Total horas lectivas desde los 7 hasta los 15 años | 6.126 horas | 7.731 horas |
Idiomas | Sueco, inglés, francés y otro optativo | Lengua natal e inglés o francés como optativa |
Ingreso en la Universidad | 71 por ciento de los alumnos | 50 por ciento de los alumnos |
Inversión del Estado en su formación obligatoria | 40.866 euros | 35.155 euros |
Sueldo de los profesores | 3.400 euros | 1.800 euros |
Costes para las familias | Gratuidad, incluso en la escuela privada | Gratuidad de la enseñanza pública, pero no de servicios complementarios, como comedor, material escolar y transporte. Conciertos educativos con centros privados no gratuitos, lo que permite abaratar algunos gastos. |
2011-11-15
REGGIO EMILIA
Reggio Emilia eskola hauek umeak hezteko eta bigarren mundu gerrak sortutako kalteak gainditu nahian eraiki ziren. Proiektu hau gauzatu ahal ideia berritzaileak zituzten hainbat pedagogoren eta Loris Maguzziren esker gauzatu zen.
Regio emilia metodo pedagogiko bat izatetik baino haratago doan zerbait da. Hezte metodo bat dela esan dezakegu bere baitan hezte antolakuntzaren berristea eta gurasoen eta gizarteko gainerako partaideen rola azpimarratzen baita gizarte hezitzaile batera heltzeko bidean.
Reggio Emiliaren printzipio nagusiak ondorengoak dira:
Giza harremanen garrantzia
Denok dakigunez, gizakiak bere baitan darama bere izaera soziala, izaera hau eskolan sendotzen da helduek eta haurrek hartzen dituzten rolei esker eta haien artean sortzen den konplementazioari esker. Honen bitartez, guretzat ezaguna den eskoletan ematen den bertikaltasun tradizional hori alde batera ustea lortzen da.
Umearen 100 lengoaiak
Guk, helduok, komunikatzeko dugun tresna nagusia hitza da. Hau helduok barneratuta ditugun eskema eta paradigma zehatzei esker errealitatea ikusteko dugun era limitatuaren ondorio da. Baina zenbat eratara du posible komunikatzea haur batek? Regio Emilian umeek kontzebitzeko duten pluraltasunagatik komunikaziorako eta espresatzeko dituzten era guzti hauek kontua hartzen dira eta baloratu egiten dira.
Entzutearen praktika
Eskoletan eman den harreman tradizionala gainditzeko asmoz. Hau da, irakaslearen eta ikasleen artean dagoen bertikaltasun posizio hori gainditzeko, bai ikasleak baita helduak elkarri entzutea beharrezkoa da. Entzute hau hitzezkoa, keinuzkoa, marrazkien bidezkoa… izan daiteke. Entzute honi esker ikasketa bi noranzkotan emango da ikasleek helduengandik eta helduek ikasleengandik.
Aniztasunaren eta konplexutasunaren baloratzea
Pertsona bakoitza mundu bat da, horregatik hezkuntza heterogeneo baten alde egiten da ez baitu zentzurik hezkuntza homogeneo bat emateak gizartea bera heterogeneoa denean. Munduak aniztasuna eta interakzio desberdinen konplexutasuna onartu beharra dauka.
Familien eta gizartearen parte hartzea
Hezkuntza ez da soilik hezitzaile profesionalei dagokien zerbait, umeak eskolatik irteten direnean ere hezten jarraitu behar zaie, horretarako bai gurasoek eta bai gizarteak partaideek euren egitekoa dute.
Eskola komunitario eta kolaboratzailea
Eskolaren funtzioetan gizarte osoak hartzen du parte elkarlanean estuki arituz; hezitzaileak, gurasoak eta gizarteak. Ikuspegi honek Regio Emilia eskolen ikuspegi komunitario azpimarratzen du.
Tailerrrak eta taileristak
Reggio Emilia eskoletan garrantzia handia ematen zaio arteari, horregatik, ezinbestekoak dira tailerra eta taileristen lana. Honen bidez artearekiko atentzio ikerketa bisuala eta estetikoa lantzen dira.
Umearen garapenaren dokumentazioa
Sistema tradizionaletan, denok ezagutzen dugun bezala nota zenbaki batera mugatzen da. Baian nota askotan ez da umearen prozesuaren isla. Hau da, ume bati, matematiketan zailtasunak dituenak, posible da matematikak era errazean ulertzen dituen ume batek baino prozesu emankor eta garrantzitsu bat izatean. Horregatik, Reggio Emilian kontuan hartzen dena umearen abiapuntua da ez helmuga, umearen aurrerapena eta prozesua era kualitatiboan neurtzen dute.
Sormenaren beraurkiketa
Sormena ez da artiskoki eskura daiteken zerbait. Gizaki guztiok dugu sormena eta garatu daitekeen zerbait da.. Sormena zientzian aurkitu daitekeen gauza ere bada zientziek ere hainbat soluzio izan ditzakete. Adibidez, ume talde batek matematikako eragiketa edo buruketa bat egitean normalena bere liburuetara joatea da eta bertan azaltzen zaien erara ebaztea . hala ere. Gerta liteke taldeko ume batek edo batzuek liburuko prozedura erabili beharrean eurek pentsatutako beste bat aplikatuz ariketa ebaztea, Orduan, ume horrek edo horiek euren sormena erabili dutela esango genuke.
Kalitatezko giro eta espazioa
Askotan espazioaren antolamenduaz ari garenean burura etortzen zaigun ideia gela era alai eta polit batean apaintzearena izaten da. Umeak ikasgelan gustura egon daitezen. Reggio Emilian hau asko zaintzan da eta apaindura eta itxura baino haratago joaten dira; altzariak, materiala…asko aztertzen dute eta hauek gelara egokitzen dituzte, umea gustura egoteaz aparte umearentzat material guzti hori baliagarria izan dadin.
Ondorengo bideoak aipatutako printzipioak ikasgelako egunerokoan kokatzeko eta ulertzeko lagungarria da.
2011-11-12
JOLASAREN ERABILERA TERAPEUTIKOA
Jolasa umearen garapenerako funtsezko elementua izateaz gain, komunikazio arloan zailtasunak dituzten haurrentzako terapia elementu bikaina da.
2011-11-09
ETXEKO ESKOLATZEA
Etxeko eskolatzea haurra bere etxean hezteko moduari deritzo, eskola publiko edo pribatura joan gabe, eta guraso edo beste pertsona baten gidaritzapean.
Gero eta ohikoagoak dira euren seme – alaben hezkuntza etxean lantzen duten familiak. Familia hauek aukera hau hautatzeko erabakiaren arrazoiak hainbat izan daitezke. Batzuek, ideologoa edo erlijio arrazoiengatik egiten dute. Beste batzuk ordea, Aldaketa sakonak bizitzen ari garen unea dela uste dute, eta inguruneak balioak transmititzeko zuen funtzioa galdu egin duela iruditzen zaie. Eskola, ostera, gaindituta dago curriculum hezigarria eskaintzeko beharrarekin, eta “ezkutuko curriculumeko” hezitzaileak falta dira. Gauzak horrela, eskolak ezin dituela berme guztiak eskaini uste dute.
Etxeko irakaskuntza hau antolatzerakoan hainbat aukera daude. Batzuek curriculum ofiziala jarraitzen dute. Beste batzuek erreferentziatzat hartzen dute berau, baina seme-alabek gai zehatz batzuekiko duten interesari ematen diote lehentasuna eta modu erakargarriagoan lantzen dute. Beste familia batzuek haurraren kuriositate naturalaz baliatzen dira eta ez dute inolako curriculum ofizialik jarraitzen.
Herrialdeen arabera Legediak hezkuntza mota honi buruz ikuspegi ezberdinak erakusten ditu.
Euskal herrian konkretuki bi egoera oso desberdin daude . Ipar euskal herrian, estatu frantziarreko 1998ko abenduaren 18ko Hezkuntza Kodeak ezartzen duen moduan etxean irakastea legezkoa da. Hegoaldeari dagokionez, etxeko heziketa ez dago arautua. Espainiako konstituzioak babesten du familiek duten askatasuna euren seme-alabak ondoen irizten duten moduan hezteko. Era berean, ordea, etxeko irakaskuntzaren inguruan ez dago araurik edo legerik. LOEk ere ez du aukera hori espresuki aitortzen. Beraz, lege aldetik hutsune bat dago.
Beste herrialde batzuk:
· Portugalen:: Legeak dio gurasoak direla seme-alaben lehenengo erantzuleak, eta heziketa hori gauzatzeko hiru modu aurreikusten ditu: publikoa, pribatua eta familia. Etxeko heziketaren hautatzekotan familiak tokiko hezkuntza administrazioari jakinarazi behar dio eta ebaluazio probak egin behar dituzte 4, 6 eta 9 urterekin.
· Errusia: liburuak dohain eskuratzeko aukera.
· Frantzian: tituluak eskuratzeko konbokatoria askeak.
· Txekiar errepublika: 12 urte arte bakarrik da legezkoa.
· Hungaria: urtean bi azterketa egin behar dituzte.
· Britainia Handian: Etxeko irakaskuntza legala da. 20.000 familia inguru.
· Italian: Gurasoek beren gain har dezakete seme-alaben irakaskuntza. Hautu hori egiten duten gurasoek gaitasun ekonomikoa eta teknikoa dutela egiaztatu behar dute eta dagokien hezkuntza autoritateari jakinarazi behar diote urtero.
· Alemanian: Etxeko irakaskuntza ilegala da. Hainbat familia auzipetuak izan dira eta isunak ezarri dizkiete. Edonola ere, etxean jarraitzeko aukera eman zitzaien.
· Herbeheretan: Seme-alabei etxean irakatsi nahi baldin bazaie, hezkuntza agintariengana jo behar da baimen eske. Hala ere, eskaeren % 90 ezeztatu egiten dituzte agintariek.
· AEBn: Gaur egun herrialde osoan baimendua dago etxeko hezkuntza, baina estatuen arabera, legedia aldatu egiten da. Idahon, esate baterako, ez zaie inolako mugarik jartzen etxean irakasten duten gurasoei eta ez dute euren programa herriko edo estatuko agintariei aurkeztu beharrik. Oregonen, aldiz, haurrek aldizka “pertsona neutral eta kalifikatu” batek jarritako probak egin behar dituzte. Orokorrean gurasoei ez zaie eskatzen irakaskuntzan aritzeko gaituak egotea, baina estatu gutxi batzuek goi mailako ikasketak edo formazio ikastaroren bat egina edukitzea exijitzen diete.
Hezkuntza mota honen inguruan legediek duten ikuspuntu desberdinak direla eta hainbat kezka daude.
Beharrezkoa da gurasoek formazio berezirik izatea?
Erantzuna ezezkoa da. Garrantzitsuena beraiekin egoteko gogoa edukitzea da eta norberak gauza berriak ikasteko kuriositatea edukitzea. Etxean ikasteak ez du esan nahi denbora guztian etxean egon behar denik. Gurasoen papera ez da irakasle izatea, baizik eta seme-alabak inguruarekin eta beste pertsonekin harremanetan jartzea.
Nola sozializatzen dira etxean gelditzen dira haurrak?
Eskolara joaten diren eta joaten ez diren haurren arteko desberdintasun bakarra zera da: eskolara joaten direnak adin bereko haurrekin egoten direla, eta eskolara joaten ez direnak adin desberdinekoekin eta helduekin. Eskolaz kanpoko jardueretara ere joan ohi dira.
Etxean gelditzen bada, norbaiti esan behar al zaio?
Hegoaldean ez, ez baitago arautua. Iparraldean, ordea, bai. Udalari eta Akademia ikuskariari horren berri eman behar zaie haurrak 6 urte betetzen dituen urte zibilean hasi eta 16 urte bete arte, urtero. Hori egin ezean, isunak jartzen dira.
Gai honen inguruan gehiago jakin nahi ezkero:
2011-11-08
ARTEA HEZTEKO TRESNA
Artea gizakia gizaki denetik existitu izan da. Dantza, eskultura, pintura… artea azken finean, pertsonek ideiak, sentimenduak, frustrazioak… kanporatzeko eta adierazteko tresna da. Egun, Ikus - entzutezko ekoizpenak dira, identitateak definitu eta errealitatea antzemateko tresna boteretsuena.
Askotan artea helduen gauza delakoan egoten gara baian gutxik pentsatzen dute gure eskoletako txikiak ere artea egiteko gai direla. Artea umeen garapenerako gainontzeko irakasgaiak bezain garrantzitsua da. Are gehiago, artearen bitartez beste irakasgaiekin garatu ezin daitezkeen hainbat gaitasun garatzen dira. Umearen gorputzari erreparatuz psikomotrizitate fina eta astuna lantzen dira. Zentzumenentzako ere oso estimulagarria izaten da, jarduera artistikoen bidez, haurraren zentzumenak landu eta garapen pertzeptiboa sustatzen da. Espazioa, formak, koloreak, ehundurak, soinuak, sentipenak eta esperientzia bisualak adierazpenerako estimulu anitzak dira.
Garapen kognitiboari dakartzan onurak ere aipatzekoak dira. Hauek dira lantzen diren zenbait esparru:
· Arreta
· Kontzentrazioa
· Irudimena
· Memoria
· Behaketa
· autokonfiantza
· Borondatea
Beste alde batetik, haurraren garapen emozionalari erreparatuz arte heziketa oso positiboa da. Izan ere, haurrari bere burua ezagutzen eta onartzen laguntzen dio bere ahalmen eta mugekin. Haurrak bere burua ezagutuz seguru sentituko da eta honek eragina izango du bere jokabidean.
Hau gutxi balitz, arte hezkuntzak haurrari egiten dion ekarpen guztien artean badago bereziki bat oso garrantzitsua dena: sormena. Zerbait sortzean, analisi gaitasuna, aukeratzeko gaitasuna, loturak egiteko gaitasuna eta sintesi gaitasuna, jartzen dira martxan, besteak beste. Era berean, malgutasuna, originaltasuna, etorria, independentzia, kritika, autokritika... landu ahal izango ditu
Baina, aukera ematen die eskolak hau lantzeko? Oinarrizko hezkuntzan hizkuntza, matematika, natur zientziak… lantzeari ematen zaio garrantzia, ondorioz, arte heziketa alboratuta dago. Egoera hau dela eta, margolaritza, dantza, antzerkia, musika… lantzeko aukera eskolaz kanpoko ekintzetan baino ez dago.
Eskoletan arteari eskaintzen zaion denbora eskasari ematen zaion kalitatea ere zaindu beharrekoa da. Askotan umeek klasean egin beharrekoak bukatutakoan denbora soberan badute ohikoa da marrazki bat egiten jartzea. Baina hau egitean umeei ez zaie nora , nola, zeri erreparatu behar dioten azaltzen. hau da, ez zaie inongo jarraibiderik ematen. Jarraibide horiek izatea mesedegarria da inguratzen gaituenari epaitu gabe begiratzeko eta gauzak zehaztasun gehiagorekin ikusteko. Eta ere barean, baita marraztu ahal izateko eta marrazkiaren bidez ikusten dutena ulertzeko ere.
Musika geletan ere artea lantzeko aukera paregabeak daude, horretarako irakasleek, aukeran dauden metodo guztien berri izan behako lukete umeei aukera desberdinak eskaini ahal izateko, horrela era xume batean bada ere, gure txikiek eskolak eskaintzen dizkien aukera txiki horiek bizitza honetan hain garrantzitsua eta beharrezkoa den sormena garatzeko baliagarri izatea.
Suscribirse a:
Entradas (Atom)